2:

हरिद्वार (उत्तराखंड):
पूज्य गुरुदेव श्री स्वामी सत्यमित्रानंद गिरीजी महाराज यांच्या समाधी मंदिरात श्री विग्रह मूर्ती स्थापनेचा भव्य धार्मिक सोहळा श्रद्धा व भक्तिभावात पार पडला. या पवित्र सोहळ्यास महाराष्ट्राचे मुख्यमंत्री देवेंद्र फडणवीस प्रमुख पाहुणे म्हणून उपस्थित होते.

या प्रसंगी माजी राष्ट्रपती रामनाथ कोविंद, पंजाबचे राज्यपाल गुलाबचंद कटारिया, जुनापीठाधीश्वर आचार्य महामंडलेश्वर स्वामी अवधेशानंद गिरीजी महाराज, श्रीराम जन्मभूमी तीर्थक्षेत्र ट्रस्टचे कोषाध्यक्ष स्वामी गोविंददेव गिरीजी महाराज तसेच अनेक संत, महंत व मान्यवर उपस्थित होते.

मुख्यमंत्री फडणवीस यांनी सांगितले की, पूज्य गुरुदेवांचा सामान्य कुटुंबातून सुरू झालेला असामान्य आणि प्रेरणादायी जीवनप्रवास प्रत्येकासाठी मार्गदर्शक आहे. ‘भारत माता मंदिरा’च्या माध्यमातून त्यांनी सनातन धर्मातील विविध विचारधारांना एकत्र आणण्याचे ऐतिहासिक कार्य केले.

पंतप्रधान नरेंद्र मोदी यांच्या नेतृत्वाखाली सनातन संस्कृतीचे पुनरुज्जीवन होत असून, तरुण पिढी शाश्वत मूल्यांशी जोडली जात आहे, ही समाधानकारक बाब असल्याचेही त्यांनी नमूद केले.